ករណីភ្លើងព្រៃឆេះរាលដាល ឆេះផ្ទះប្រជាពលរដ្ឋ
ឧត្តរមានជ័យៈ លំនៅឋានប្រជាពលរដ្ឋមួយខ្នងដែលមានទំហំ៩គុណ១២ម៉ែត្រសាងសង់អំពីឈើដំបូលប្រកស្បូវ ជញ្ជាំងក្តា ត្រូវបានអគ្គីភ័យឆាបឆេះហ្មត់កាលពីវេលាម៉ោង១១នឹង៤០នាទីព្រឹក ថ្ងៃទី២៥ ខែកុម្ភៈ ឆ្នាំ២០១៨ ហេតុការណ៍នេះកើតឡើងនៅភូមិថ្មដូនហនុម៉ាន ឃុំគោកមន ស្រុកបន្ទាយអម្ពឹល ខេត្តឧត្តរមានជ័យ ។
ម្ចាស់ផ្ទះមានឈ្មោះ ឆាំ សុទិន ភេទប្រុស អាយុ៥១ឆ្នាំ មុខរបរជាកសិករ បានរៀបរាប់ថា រូបខ្លួនមានប្រពន្ធឈ្មោះ សឿក សារឹម អាយុ៥៥ឆ្នាំ មានកូនប្រុសចំនួន២នាក់នៅក្នុងបន្ទុកគ្រួសារមុនពេលកើតហេតុទាំង២នាក់ប្តីប្រពន្ធ និងកូនៗបានចាកចេញពីផ្ទះទៅធ្វើការងាររៀងៗខ្លួនដោយបិតទ្វារផ្ទះចោលហើយគេបានទូរស័ព្ទប្រាប់ថា ផ្ទះត្រូវបានភ្លើងព្រៃរាលឆាបឆេះ ខណៈមកដល់បានហួសពេលទៅហើយម្ចាស់ផ្ទះបានបញ្ចាក់ថា ទំហំនៃការខូចខាតទ្រព្យសម្បត្តិស្រូវចំនួន៣០បាវ គ្រែដេកចំនួន២ អត្តសញ្ញាណប័ណ្ណ និងសំបុត្របញ្ជាក់កំណើត ប្រាក់រៀលចំនួន៧០ម៉ឺនរៀល លើសពីនោះដូចជាសំលៀកបំពាក់ជាច្រើនទៀត។
ប៉ូលិសប៉ុស្តិ៍រដ្ឋបាលជប់គគីបានឱ្យដឹងថា នៅពេលកើតហេតុគ្រោះដោយអគ្គីភ័យនេះកម្លាំងប៉ូលិសរួមជាមួយនឹងប្រជាពលរដ្ឋបានជួយអន្តរាគមន៍ជួយពន្លត់តែដោយសារភ្លើងឆេះយ៉ាងសន្ធោសន្ធៅពេកទើបមិនអាចជួយបានភ្លើងបានឆាបឆេះអស់ទាំងស្រុង។
ប្រភពៈ កោះសន្តិភាព
No comments:
Post a Comment