ស្រីទេវី (Sridevi) តារាបូលីវូតដ៏ល្បីរបស់ឥណ្ឌាគាត់បានស្លាប់ហើយក្នុងអាយុ៥៤ឆ្នាំហើយ!
តារាភាពយន្តជើងចាស់របស់ផលិតបូលីវូតដ៏ល្បីល្បាញរបស់ឥណ្ឌា Sridevi Boney Kapoor [ខ្មែរហៅថា ស្រីទេវី] បានទទួលមរណភាពក្នុងអាយុ៥៤ឆ្នាំ កាលពីថ្ងៃទី២៥ ខែកុម្ភៈ នៅទីក្រុងឌូបៃ។ នេះបើតាមយោងតាមការផ្សាយរបស់ India Times។
ស្រីទេវី ដែលប្រឡូកក្នុងវិស័យភាពយន្តអស់រយៈពេលជាង៤ទសវត្សរ៍កន្លងមកនោះ ក៏មានឈ្មោះល្បីល្បាញផងដែរនៅកម្ពុជា កាលពីអំឡុងឆ្នាំ១៩៨០ និង១៩៩០ ។ សារព័ត៌មានឥណ្ឌា បានផ្សព្វផ្សាយឲ្យដឹងថា ស្រីទេវី បានទៅចូលពិធីមង្គលការក្មួយប្រុសឈ្មោះ Mohit Marwah នៅទីក្រុងឌូបៃ ។
ក្រុមគ្រួសាររបស់ស្រីទេវី បានអះអាងបឋមថា តារាភាពយន្តរូបនេះ មានបញ្ហាបេះដូងឈប់ដើរ ឈប់កន្ត្រាក់ (Cardiac Arrest) ហើយបើតាមប្រភពពីក្រុងឌូបៃ លិខិតមរណភាពបញ្ជាក់ថា នាងស្លាប់ដោយសារជំងឺគាំងបេះដូង (Heart Attack)។
ស្រីទេវី បានរៀបអាពាហ៍ពិពាហ៍ជាមួយលោក Boney Kapoor ដែលជាផលិតករភាពយន្ត កាលពីឆ្នាំ១៩៩៦ ហើយអ្នកទាំងពីរមានកូនស្រីពីរនាក់ គឺ Jahnvi និង Khushi។
No comments:
Post a Comment